«Жаңа Қазақстан: гендерлік саясатты жаңарту және жаңғырту жолдары» — СҚО Әйелдері күштері альянсы жанындағы белсенді топ осындай атаумен кездесу өткізді, деп хабарлайды Qyzyljarnews.kz тілшісі.
Спикерлердің айтуынша, әйелдердің әлеуметтік-экономикалық және қоғамдық — саяси өзекті мәселелерді шешуге қатысуы маңызды әрі уақыт талабы. Қазіргі таңда әйелдер Үкіметте, мемлекеттік секторда және бизнес саласында басшылық қызметтер атқарады. Мысалы, СҚО-дағы мемлекеттік қызметкерлердің 64% -ы әйелдер. Олардың 44% — ы басшылық қызметте.
Облыстық мәслихатта 30 депутаттың 10–ы, қалалық мәслихатта 18 депутаттың 6-ы әйел. Мемлекет саяси аренада ерлер мен әйелдердің теңтігін талап етеді.
Ұйымдастырушылардың айтуынша клуб қызметінің маңызды бағыттарының бірі көшбасшы әйелдер қатарынан кадрлық резервті қалыптастыру. Бұл кейіннен мемлекеттік және саяси жұмыстарға ұсыну үшін жасалады.
Фото ашық дереккөздерден.
