291
Петропавлда мүмкіндігі шектеулі балаларды үйде оқытуға бағытталған шығындарды өтеу мөлшері белгіленеді. Тиісті қаулы жобасы ашық нормативтік-құқықтық актілердің сайтында орналастырылған, деп хабарлайды Qyzyljarnews.kz тілшісі.
Қалалық жұмыспен қамту және әлеуметтік бағдарламалар бөлімінің мәліметінше, петропавлдық 90 бала жеке оқу жоспары бойынша үйде білім алуға мәжбүр. Қолданыстағы заңнамаға сәйкес олардың ата-аналары немесе заңды өкілдері үйде оқыту шығындарын өтеуге құқылы. Қаулы жобасында төлемдер оқу жылы ішінде әр балаға 5 АЕК (15 мың 900 теңге) мөлшерінде ай сайын жүзеге асырылатыны көрсетілген.
