“Sensitive” АҚШ-та өткен әлем чемпионатында гран-при жеңіп алды

Петропавлдық бишілер АҚШ-та өткен әлем чемпионатында финалға шығып, гран-приді жеңіп алды, деп хабарлайды Qyzyljarnews.kz тілшісі.

Солтүстікқазақстандық өнер ұжымы шілденің 22-сі мен 31-і аралығында Калифорниядағы Анахайм қаласында өнер түрлерінің 25-мерейтойлық дүниежүзілік чемпионатында үздік атанды. Талантты жастар  АҚШ, Ирландия, Франция, Аустралия, Тайланд, Канада, Германия елдерінің бишілерінен асып түсіп, көрерменнің ыстық ықыласына бөленді.

-Бұл — барша Қазақстанның жеңісі!  “Sensitive” би театры мен олардың көркемдік жетекшісі Ольга Ростовщикованы жеңістерімен құттықтаймыз!-деп құттықтады облыс әкімі Құмар Ақсақалов.