Өтініш бастамашылары бұл нысандағы мұржаның құлауы қордаланған мәселелердің нәтижесі екенін атап өтті, деп хабарлайды Qyzyljarnews.kz тілшісі ratel.kz сайтына сілтеме жасай отырып.
— Президент проблемалық энергетикалық активтерді мемлекет меншігіне қайтару мәселесін қарауды тапсырды. Біз оны толығымен қолдаймыз. 2-ЖЭО-дағы апат-бұл жиналып қалған мәселелердің нәтижесі, регламенттік жұмыстардың, техникалық қызмет көрсету мен жөндеудің жоспарлы-алдын алу жүйесінің орындалмауы, — делінген Премьер-Министр Әлихан Смайыловтың атына жолданған өтініш хатта.
Айта кетейік, бүгінгі таңда 2- ЖЭО- штаттық режімде жұмыс істеп тұр. Жөндеу жұмыстары аяқталуға жақын. «СевКазЭнерго» АҚ бас директорының өндіріс жөніндегі орынбасары Петр Богдановтың айтуынша, ауа температурасының — 27 градусқа дейін төмендеуі қазандықтардың жұмыс істеуіне еш әсерін тигізбеді.
– Станция бекітілген температура кестесі бойынша жұмыс істеп тұр. Жылыту маусымы басталғаннан бері тұтынушылардан шағымдар түскен жоқ. Үйлерге жылу берілді. Алаңдауға негіз жоқ, — деп сендірді Петр Богданов.
