27 желтоқсан күні сағат 08:20 шамасында Солтүстік Қазақстан облысы Шал ақын ауданы Ыбыраев ауылындағы Центральная көшесінде «Toyota Land Cruiser Prado» автокөлігінің 62 жастағы жүргізушісі 2007 жылы туған 10-сынып оқушысын қағып кетті, деп хабарлайды Qyzyljarnews.kz тілшісі.
Осы автокөліктің жүргізушісі зардап шеккен кәмелетке толмаған қыз баланы Шал ақын аудандық ауруханасына жеткізді. Кейін жасөспірім облыстық балалар ауруханасына жатқызылды.
Медициналық куәландыру актісіне сәйкес жүргізуші мас емес.
Қазіргі уақытта жол-көлік оқиғасы фактісі бойынша қажетті сараптамаларды тағайындау және процессуалдық шешім қабылдау үшін материал жиналуда.
11 ай ішінде СҚО жолдарында жаяу жүргіншілерді қағып кетумен байланысты 88 жол-көлік оқиғасы тіркелді, салдарынан 7 адам қаза тауып, 94 адам жарақат алды.
Фото: ашық дереккөздерден.
