137
Интернационал көшесінде 86 жастағы қала тұрғынын көлік қағып кетіп, зейнеткер оқиға орнында көз жұмды, деп хабарлайды Qyzyljarnews.kz тілшісі.
СҚО полиция департаментінің хабарлауынша, бүгін сағат 14:48 шамасында Петропавл қаласының Интернационал көшесінде келе жатқан «Mitsubishi Montero Sport» автокөлігін тізгіндеген 60 жастағы қала тұрғыны болжам бойынша жолдың рұқсат етілмеген жерінен өтпек болған жаяу жүргіншіні қағып кетті. Жол-көлік оқиғасы кезінде 86 жастағы қарт әйел оқиға орнында жан тапсырды.
Қазіргі уақытта Петропавл қаласы полиция басқармасының қызметкерлері қажетті сараптамалар тағайындау және түпкілікті процестік шешім қабылдау үшін материал жинауда.
