Қостанай облысының Рудный қаласында мейбукан годзю-рю карате-додан жасөспірімдер арасында республикалық ашық чемпионат өтті. Жыл сайын ұйымдастырылатын сайысқа еліміздің әр аймағынан 300-ге тарта спортшы жиналды. Чемпионатқа өңір құрамасы да қатысып, жүлделі екінші орыннан көрінді, деп хабарлайды Qyzyljarnews.kz тілшісі.
Биыл аталмыш сайыс Рудный қаласында ұйымдастырылған жарысқа 5 пен 15 жас аралығындағы 300-ге тарта жас спортшы қатысып, өзара мықтыны анықтады. Оның арасында Солтүстік Қазақстан облысының құрамасы да бар. Олар осы жолғы сайысқа мықты дайындықпен келгендерін көрсетті.
-
Биылғы жарыс Тәуелсіздік күніне орайластырылды. Чемпионат жоғары деңгейде өтті. Жалпы сайыстың деңгейі жыл санап өсіп келеді. Бүгінде жас спортшыларымыз елімізде ғана емес, халықаралық дәрежедегі додаларда да топ жарып жүр. Осы жолы біз жалпы командалық есепте екінші орыннан көріндік, дейді Мейбукан годзю-рю федерациясы СҚОФ директоры Евгений Максимов.
Диана Донская 2 сын бойынша да жеңімпаз атанса, Мирон Колтунов 2 сында 2 рет қола жүлдегер атандыЖас спортшылар келесі жылы Ресейде өтетін халықаралық турнирге қатысуды жоспарлап отыр.
Фото: ашық дереккөздерден.
