Теміржолдағы жол жиілігі өзгерді. Енді №105/106 «Алматы-2 – Петропавл» пойызының жол жүру жиілігі уақытша қысқарды. Үстіміздегі жылдың 2-30 қаңтар аралығында поезд оңтүстік астанадан жұп күндері, ақпанның 1-і мен 5 күндері аралығында тақ күндері жолға шығатын болды, деп хабарлайды Qyzyljarnews.kz тілшісі.
Петропавл қаласынан поезд 3-31 қаңтар аралығында тақ күндері, ал 2-6 ақпан аралығында жұп күндері Алматыға аттанады. Сонымен қатар 6-шы ақпан мен 6-шы наурыз аралығында күнара қатынамақ. Мұндай шешімді «Жолаушылар тасымалы» компаниясы коронавирус инфекциясының таралуына жол бермеу мақсатында қабылдапты. Сонымен қатар, құрамнан «Турист» санатындағы төрт вагон алынды. Жоспарға сәйкес оларды жөндеуден өтпек. Жауапты компания өкілдерінің айтуынша, ағытылған вагондарға билет алған адамдарға басқа бос орындар беріледі немесе билет құны толық қайтарылады.
