Өткен жылы облыста аң аулау талаптарын бұзудың 400-ге жуық дерегі тіркелген, деп хабарлайды Qyzyljarnews.kz тілшісі.
Облыс полицейлері әуесқой аңшыларды заңнаманы бұзбауға шақырады. Тәртіп сақшылары жаңа жылдың бірінші күнінен бастап тұяқты жануарларды, қауырсындыларды және өзен құндызын аулауға тыйым салынғанын еске салады. 15 ақпанға дейін тек су тышқанын, қарсақты, түлкіні, ақ қалақты, ақкiсті, қоянды аулауға болады. Табиғатты қорғау заңнамасының сақталуын қамтамасыз ету үшін мүдделі ведомстволардың қызметкерлерімен бірлесіп ұдайы рейдтер жүргізілетінін атап өткен жөн.
СҚО ПД жергілікті полиция қызметі басқармасының бастығы Айдын Байматовтың айтуынша, өткен жылы жануарлар дүниесін пайдалану талаптары мен аң аулау ережелерінің – 382, балық аулау және балық ресурстарын мен басқа да су жануарларын қорғау ережелерінің 331 бұзушылығы анықталған. Сондай-ақ заңсыз аңшылықтың – 19, «Artemia salina» құнды шаяндарын заңсыз аулаудың – 7 фактісінің жолы кесілді.
– Мас күйде аңшылыққа және балық аулауға шығуға тыйым салынады. Аңшы қаруды тек оқталмаған, бөлшектелген және қапқа салынған күйінде тасымалдау қажет. Табиғат аясында демалуды құмартатын азаматтар заңнаманың осы және басқа да талаптарын білуге және қатаң сақтауға міндетті, – дейді Айдын Байматов.
Фото: СҚО ПД баспасөз қызметі
