265
Өткен жылы туберкулезге 210 адам шалдығып, 14-і көз жұмды, деп хабарлайды Qyzyljarnews.kz тілшісі.
Облыстық денсаулық сақтау басқармасының басшысы Құмар Күсемісовтың айтуынша, жыл сайын туберкулезді алдын алу мақсатында кешенді жұмыстар жүргізіледі. Өткен жылдың өзінде өңірдің 330 мыңға жуық тұрғыны флюрографиялық тексерістен өтіп, 181-інде ауру белгілері анықталды.
– Тексерістен өткен тұрғындардың 36 мыңнан астамы кәмелеттік жасқа толмағандар екенін айтқан жөн. Олардың арасынан 2 балада туберкулез ауруы анықталды. Бүгінгі таңда өңірдің емдеу мекемелерінде 44 флюрографиялық қондырғы бар, 13-і — жылжымалы, – дейді Құмар Күсемісов.
