194
Соңғы жылдары облыстың орман және дала алқаптарында өрт оқиғалары жиі тіркеледі. Бұл мәселені шешу мақсатында өңірдегі орман шаруашылықтарына қажетті техника сатып алынды, деп хабарлайды Qyzyljarnews.kz тілшісі.
Облыста орман және дала өрттерінен төнетін қауіпті азайту мақсатында мемлекет тарапынан қомақты қаражат бөлінді.
– Соңғы төрт жылда облыстық бюджеттен қосымша 372 млн. теңге бөлініп, оған 12 өрт сөндіру автокөлігі және 21 трактор сатып алынды. Үстіміздегі жылға 160 млн. теңге бөлінді, – дейді облыстық табиғи ресурстар және табиғат пайдалануды реттеу басқармасының басшысы Бейбіт Исманов.
