200
Қырғызстан астанасы Бішкекте Қожамқұл Қабаұлы және Ратбек Санатбаев атындағы грек-рим күресінен рейтингтік турнир өтуде. Бұл жарыста жерлесіміз Аманғали Бекболатов қола жүлдені місе тұтты, деп хабарлайды Qyzyljarnews.kz тілшісі.
Қырғызстанда өтіп жатқан турнирде грек-рим күресінен ұлттық құрама мүшелері де қатысуда. 55 килограмм салмақ дәрежесінде үш бірдей балуанымыз күресті. Бірінші орын отандасымыз Марлан Мұқашевқа бұйырса, Ерсін Абыйыр қола жүледегер атанды. Ал солтүстікқазақстандық Аманғали Бекболатов үшінші орын үшін таласта өзбекстандық Жасурбек Ортикбовпен кездесіп, ұпай санымен екінші қоланы қанжығаға байлады.
