2023 жылдың шілдесінде Қазақстанда жылдық инфляция деңгейі 14%-ға жетті. Азық-түлік тауарлары 13,5%-ға, азық-түлік емес тауарлар 15%-ға, ақылы қызметтер 13,6%-ға қымбаттады, деп хабарлайды Qyzyljarnews.kz тілшісі Zakon.kz сайтына сілтеме жасап.
2022 жылдың шілдесімен салыстырғанда, 1 тамызда Ұлттық статистика бюросының хабарлауынша, Қазақстанда келесі тауарлар мен қызметтер айтарлықтай қымбаттады:
кеңсе жарақтары (+64,4%);
күріш (+44,3%);
қантсыз қоюландырылған сүт (+42,4%);
күндізгі стационарда емделу (+40,8%);
ыдыс жууға арналған жуғыш заттар (+37,4%)
кір сабын (+35,9%);
капуста (+27,5%);
варенье мен джемдер (+25,9%).
Бір жылда арзандаған тауарлар:
түйіршіктелген қант (-17,4%);
қарақұмық (-10,5%);
қызылша (-6,1%);
сұйық май (-4,7%);
сәбіз (-3,4%);
картоп (-1,3%).
Айдағы бағаның өсуіне келетін болсақ, шілдеде ол +0,6%-ды құрады. Қазақстандағы қызметтердің ішінде қоқыс жинау (+4,5%) және әуе тасымалы (+4%) бағасы айтарлықтай өсті. Ноутбуктар, теледидарлар мен фотоаппараттар шілдеде 9,6%-ға қымбаттады. Баллондағы сұйытылған газ (+6,2%), АИ-95/96 (+4,5%) және АИ-98 (+3,6%) бензині қымбаттады. Темекі өнімдері 2,6%-ға қымбаттады. Азық-түлік тауарларының ішінде шілдеде көкөніс (+3,8%) және күріш (+2,1%) бағасы ең жоғары.
Шілдедегі ең жоғары инфляция Ұлытау облысында (+1%), ең төменгісі – Алматы облысында (+0,1%) тіркелді.