205
«ЗИКСТО» зауытында шығарылған 50 жаңа жолаушылар вагоны «Жолаушылар тасымалы» АҚ-ға берілді, деп хабарлайды Qyzyljarnews.kz ҚазАқпарат сайтына сілтеме жасап.
Осыған дейін петропавлдық зауыт вагондардың алғашқы партиясын, яғни 11-ін сатқан болатын. Жақында кәсіпорын тағы 50-уін саудалап үлгерді.
«ЗИКСТО» зауытының вагондарында кондиционерлер, ауаны тазарту сүзгілері, түтін датчиктері, биодәретханалар, тамбурлардағы бейнебақылау жүйесі, ал купеде кәдімгі электр розеткаларынан басқа «USB» қосқыштары да бар. Мұндай вагондар 40 жылға дейін қызмет ете алады.
2023 жылы кәсіпорын 100-ге жуық жолаушылар вагонын жасап шығармақшы. Ал 2024 жылы бұл көрсеткішті 300-ге жеткізбек.
