145
Петропавлда қоғамдық көліктерде жүру ақысы қымбаттайды. Бұл өзгеріс қыркүйектің 25-нен бастап өз күшіне енеді, деп хабарлайды Qyzyljarnews.kz тілшісі.
Петропавл қаласы әкімдігінің баспасөз қызметінің хабарлауынша, жолақысының қымбаттауы туралы жоба ашық нормативтік-құқықтық актілер сайтында жарияланып, жұртшылық арасында қызу талқыланды. Оның нәтижесінде қоғамдық көлікте жүру ақысы тарифін көтеру жөнінде шешім қабылданды. Оған сәйкес, QR-код, банк және арнайы карталар арқылы төлемнің құны ересек қала тұрғыны үшін 100 теңгені, 7 жастан 18 жасқа дейінгі балалар үшін 50 теңгені құрайды. Егер төлем қолма-қол болса, оның бағасы 170 және 85 теңгеге бағаланады.
