СҚО-дағы 16 елді мекеннің тұрғындары сапалы ауыз суға мұқтаж

Солтүстік Қазақстан облысының бас санитар дәрігері Әсет Жұматаев өңірдегі 16 ауылдың тұрғындары су тасып ішуге мәжбүр екенін айтты, деп хабарлайды Qyzyljarnews.kz тілшісі.

Мониторинг барысында 1858 ауыз су сынамасы бактериологиялық көрсеткіштерге зерттелді. Нәтижесінде, оның 22-сі нормаларға сәйкес келмеді. Санитарлық-химиялық көрсеткіштерге арналған 1391 сынаманың 53-і жалпы қаттылық бойынша талапқа сай емес. Облыстың 357 елді мекенінде тұрғындар тіршілік көзін құбырдан, 263 — і орталықтандырылмаған сумен жабдықтау көздерінен алса, 16 ауылға су басқа жақтан жеткізіледі.
Жалпы облыс бойынша сапалы сумен қамту 88 пайызды құрайды. Республика бойынша бұл көрсеткіш 95,4 пайыз.