Қазақстан Республикасы Премьер-Министрінің орынбасары – Қаржы министрі Ерұлан Жамаубаев Үкіметте құрамында қанты бар сусындардың акцизін көтеру мәселесі талқыланып жатқанын айтты, деп хабарлайды Qyzyljarnews.kz тілшісі.
-Құрамында қанты бар сусындарға қатысты айтар болсам, Үкімет деңгейінде тиісті талқылау жүріп жатыр. Осы орайда талқылаулар қорытындысы бойынша тиісті мәліметті жариялап, Парламентке келеміз. Біз үшін тиісті теңгерімді сақтау керек, яғни ұлт денсаулығы басты мәселе. Сонымен қатар, кәсіпорындар да зардап шекпеуі керек, бұл кәсіппен шағын және орта бизнес айналысады. Сондықтан осының барлығын егжей-тегжейлі пысықтаймыз, — деді Ерұлан Жамаубаев.
Ерұлан Жамаубаев бұған дейін акциз салықтың жанама түрі болып табылатынын, ал оның үлесі мемлекеттік бюджеттен 5% — дан аспайтынын түсіндірген еді.
