316
Петропавл қаласы әкімдігінің аппараттық кеңесінде биыл 25 488 баланы жазғы демалыспен қамтуды жоспарланып отырғаны айтылды. Оның 540-ы — әлеуметтік аз қамтылған және көп балалы, мүгедек отбасылардан шыққан және жетім балалар, деп хабарлайды Qyzyljarnews.kz тілшісі.
«Березка» және «Достық» балалар сауықтыру лагерлерінде оқушылар 10 күннен 4 маусым бойы демалады. 28-мамырдан 14-маусымға дейін мекемелерде төсек-орын жабдықтарын өңдеу, аумақты дезинфекциялау, үй-жайларды дератизациялау және өртке қарсы іс-шаралар жүргізіледі. Қазір корпустарды жөндеу жұмыстары басталды. Оқушылар үшін жазғы демалыс маусымы 17 маусым күні басталады. Жолдама құны — 42 000 теңге.
Фото: ашық дереккөздерден
