СҚО-да полиция қызметкері қаза тапты, деп хабарлайды Qyzyljarnews.kz тілшісі.
Петропавлдағы ықшам аудандардың біріндегі өз пәтерінде учаскелік полиция инспекторының мәйіті табылды. Марқұм 1990 — жылы туған, Петропавл қаласының полиция басқармасында жұмыс істеген. Марқұмның кеудесіне пышақ сұққан.
Қазақстан Республикасы Қылмыстық кодексінің 99-бабы, яғни кісі өлтіру фактісі бойынша сотқа дейінгі тергеп-тексеру басталды.
Аталған фактіні Солтүстік Қазақстан облысының прокуратурасы растады.
Облыс прокурорының орынбасары Мұрат Қожамқұловтың айтуынша аталған қылмыстың кәсіби қызметке қатысы жоқ, екеуара келіспеушіліктен туындаған жанжалдың кесірі болуы мүмкін. Қазіргі күні марқұмның әйелі тергелуде. Сот сараптамалары тағайындалады. Болжамды қылмыс қаруы алынды. Тергеу барысы СҚО прокуратурасының бақылауына алынды.
Марқұмның артында екі кішкентай баласы қалды.
Фото ашық дереккөздерден.
