Алаяқтар солтүстікқазақстандықтың атынан 2 миллион теңге несие алған. Сан соғып қалған Тайынша ауданының 38-жастағы тұрғыны үш ай бойы несие төлеп келіпті, деп хабарлайды Qyzyljarnews.kz тілшісі.
Ақпанда өзін банк қызметкерімін деп таныстырған ер адам қоңырау шалып, белгісіз біреулер оның атына несие рәсімдейін деп жатқанын айтқан. Сөзіне сендіріп, ақыр аяғында дегеніне жеткен. Әйелдің жеке деректерін иемденіп, екі банктен 2 миллион теңге көлемінде онлайн несие алған. Біраз уақыт өткеннен кейін тұрғынаудандық полиция бөлімінің қызметкерлеріне жүгінген.
Полицейлер жедел-іздестіру шараларын ұйымдастырып, қызмет барысында арам пиғылын іске асырған ер адамды Алматы қаласында ұстады. Мамырдың 22-сі күні учаскелік полиция инспекторы жәбірленуші әйелге қуанышты хабарды жеткізген.
-Осы үш айдың ішінде мен күйзеліске түсіп, өзімді нашар сезіндім. Полицейлер мәселемді шешіп берді. Осындай қылмыстарды ашуда оларға табыс, барлық жақсылықты тілеймін. Еңбектері жемісті болсын. Рахмет сіздерге! – ауыл тұрғыны СҚО ПД бастығы Айдын Қабдұлдиновтың атына жолдаған алғыс хатында осылай деп жазған.
Фото: ашық дереккөздерден
