Петропавл қаласының әкімі Болат Жұмабеков өзінің әлеуметтік желідегі парақшаларында отставкаға кету туралы шешім қабылдағанын жазды, деп хабарлайды Qyzyljarnews.kz тілшісі.
-Үш жыл ішінде біз бірлесіп көптеген сынақтардан өттік. Карантин, қаланың жабылуы, қаңтардағы оқиғалар, ТҮКШ және құрылыс саласы бойынша көптеген мәселелерді бірлесіп шештік. Осы кезеңдерде қалалық әкімдіктің барлық командасы өздерінің кәсіби деңгейінің жоғары екенін көрсетті. Әріптестерге, коммуналдық кәсіпорындарға, кәсіпкерлерге, ПИК/МИБ төрағаларына, депутаттарға, Қоғамдық кеңес мүшелеріне, БАҚ өкілдеріне, құқық қорғау, денсаулық сақтау және білім беру саласы қызметкерлеріне, сондай-ақ барлық белсенді жерлестеріме бірлескен жұмысы үшін алғысымды айтамын, — деп жазды Болат Жұмабеков.
Фото: ашық дереккөздерден
