СҚО-дағы онкологиялық диспансерде қаңтардың 28-і өңір тұрғындары жатыр обырына жазылусыз және жолдамасыз тексеріле алады, деп хабарлайды Qyzyljarnews.kz тілшісі.
Медициналық мекеменің мәліметінше, ашық есік күні ауруды ерте анықтап және оның алдын алу үшін өткізіледі. 28 қаңтарда сағат 9-дан 13-ке дейін онкогинекологтар тексеру жүргізеді. Соның нәтижесі бойынша пациенттерді ультрадыбыстық зерттеуге жіберіп, цитологиялық зерттеу тағайындайды.
— Жатыр мойны обыры-әлемдегі ең көп таралған қатерлі ісіктің үшінші түрі және әйелдерде төртінші ең көп таралған гинекологиялық қатерлі ісік. Жатыр мойны обырына әкеп соқтыратын бұдан басқа да факторлар жетіп артылады. Атап айтқанда жатыр мойнының эрозиясы аталған дерттің пайда болуына әсерін тигізеді. Сондай-ақ жатыр мойнының жаралары мен жыныс жолдарының инфекциялары және темекі шегу қатерлі ісікке шалдықтыруы мүмкін. Темекі шегетін әйелдердің жатыр мойны эпителийінің қорғаныс қабілеті төмендеп, вирусқа қарсы тұруға тым әлсіз болады, — делінген онкологиялық орталық жариялаған ақпаратта
