Солтүстік Қазақстан облысында патронаттық отбасынан қашып кеткен бала оқитын мектеп қызметкерлері жазаланды, деп хабарлайды Qyzyljarnews.kz тілшісі.
СҚО прокурорының орынбасары Әбу-Әли Саттардың айтуынша, биыл ақпан айында Уәлиханов ауданында тұратын патронаттық отбасында 10 жастағы балаға қатысты зорлық-зомбылық фактілері анықталды. Салдарынан мектеп оқушысы жиі үйінен қашып жүрген.
Білім басқармасы басшысының орынбасары Татьяна Протопопова ауданның білім бөлімінің қорғаншылық және қамқоршылық жөніндегі әдіскері, мектеп директорының м.а., директордың тәрбие ісі жөніндегі орынбасары, әлеуметтік педагог және педагог-психолог тәртіптік жауапкершілікке тартылғанын хабарлады.
— Мектеп директорының м.а. жұмыстан шығарылды. Асырап алушы ата — аналар 10 АЕК (34 500 теңге) мөлшерінде айыппұл түрінде әкімшілік жазаға тартылды, — деді Татьяна Протопопова.
