Көктем бастылысымен велосипедтерді, скутерлерді, арбаларды ұрлау фактілері жиілейді. Мұндай қылмыстарды алдын алу мақсатында өңір полицейлері «Қауіпсіз аула» акциясын өткізді, деп хабарлайды Qyzyljarnews.kz тілшісі.
Акция 5 күнге шақталды. Учаскелік, патрульдік, ювеналды полицейлер мен жедел уәкілдер ересектер мен балаларды қылмыстың құрбаны болмау туралы және ұрлық немесе алаяқтық орын алған жағдайда не істеу керектігі туралы хабардар етіп, үй-жайларды аралап шықты. Шамамен тәртіп сақшылар 15 мыңнан астам ауланы аралап, 18 мыңға жуық тұрғынмен кездесті.
– Акцияның мақсаты – қала тұрғындарын өзінің мүліктеріне жауапкершілікпен қарауға шақыру. Егер де сіз, аулада немесе подъезде велосипед, самокат сияқты жеке мүлікті қалдырғыңыз келсе, ол арнайы тросспен байлануы керек не оны үйге кіргізу қажет, – дейді Петропавл қ. ПБ жергілікті полиция қызметі бөлімшесінің учаскелік полиция инспекторының көмекшісі Виктория Вьюшкина.
