Облыста инфляция мамыр айының қорытындысы бойынша 17,3 пайызды құрады, деп хабарлайды Qyzyljarnews.kz тілшісі.
Облыстық ұлттық статистика бюросы департаментінің ақпаратына сүйенсек, бір жылдың ішінде азық-түлік тауарларының бағасы 17 пайызға, азық-түлік емес тауарлар 19 пайызға, ақылы қызметтер 15 пайызға өсті.
Нан-тоқаш және ұннан жасалған кондитерлік өнімдер – 36% – ға, макарон – 24% – ға, сүт өнімдері – 21% – ға, алкогольсіз сусындар – 20% — ға, алкогольдік сусындар мен темекі өнімдері – 19% — ға, ет – 14% – ға қымбаттады. Пияз 26% – ға қымбаттады. Жалпы, көкөністер бағасы 3% — ға өсті. Сәйкесінше картоп 20% — ға, қызылша 16% — ға арзандады.
Азық-түлік емес тауарлар тобында жуу және тазалау құралдарының құны 40% — дан астам өсті. Тұрғын үй – жайларға қызмет көрсетуге және жөндеуге арналған материалдардың бағасы шамамен 22% – ға, киім мен аяқ киімнің бағасы-18% — ға, фармацевтикалық өнімдердің бағасы-14% — ға өсті.
