173
Петропавлда Конституция күні қарсаңында сот және құқық қорғау органдарының ардагерлері арасында шағын футболдан турнир өтті, деп хабарлайды Qyzyljarnews.kz тілшісі.
Жарысқа 6 команда қатысуға ниет білдірді. Бірінші болып ойын алаңына «Алға Авангард» пен «Көкшетау» ойыншылары шықты. Бұл кездесу авангардтықтардың пайдасына 7:0 есебімен аяқталды.
Ал көрші алаңда «Динамо» мен «Әділет» командаларының ойыншылары кездестіп, әділеттіктер басым түсті.
Екі күндік жарыстың қорытындысы бойынша бірінші орынды – «Әділет» командасы иеленді. Екінші орын – астаналық «Жақсы» командасының еншісінде, үшінші орын петропавлдық «Алға Авангардтың» ойыншыларына бұйырды.
