132
Енді жастардың энергетик сусындарды сатып алуына тыйым салынбақ. Бұл туралы Денсаулық сақтау министрі Ажар Ғиният үкімет отырысында айтты, деп хабарлайды Qyzyljarnews.kz.
Денсаулық сақтау министрлігінің мәліметінше, елімізде 11-15 жастағы жасөспірімдердің энергетик, тәтті сусындарды ішуі 17,5%-ға тең.
— 21 жасқа дейінгі адамдарға энергетик сусындарды сатуға тыйым салуды енгізу жөніндегі норманы талқылау рәсімі жүргізіліп жатыр, — деді Ажар Ғиният.
Темекіні тұтынуды азайту үшін 2023 жылғы 1 қаңтардан бастап темекі өнімдеріне акциздің ставкалары көтерілді. Тұтынудың электрондық жүйелерінің (вейптер), олар үшін хош иістендіргіштер мен сұйықтықтардың айналымына толық тыйым салуды енгізу бойынша мәжілісте Заңға өзгерістер қарастырылды.
