Облыста полицейге шабуыл жасағаны үшін ауыл тұрғыны үш жылға бас бостандығынан айырылды, деп хабарлайды Qyzyljarnews.kz тілшісі.
Өткен жылдың қазан айында Тимирязев ауданының 35 жастағы тұрғыны дәмхананың автотұрағында ауылдасымен жанжалдасып қалады. Бұны тоқтатпақ болған учаскелік полиция инспекторының әрекеті тыныштықты бұзғанның көңіліне жақпай, қарсылық танытқан.
– Ол өзінің іс-әрекетімен учаскелік инспекторға денсаулығына жеңіл зиян келтірді. Бұл факт ҚР Қылмыстық кодексінің 380-бабының 3-бөлігі бойынша «Билік өкіліне қатысты қатер немесе зорлық-зомбылық әрекеттері» бойынша сотқа дейінгі тергеп-тексерулердің бірыңғай тізіліміне енгізілді. Тамыз айында сот ер адамды пробациялық бақылау орната отырып, үш жылға бас бостандығын шектеуге үкім шығарды, — дейді аудандық полиция бөлімінің бастығы Талғат Кенжетаев.
