149
Петропавлда Ж.Жабаев көшесі, 231 мекенжайы бойынша орналасқан автогаз құю бекеті аумағында өрт шықты. Газ тасымалдаушы «ЗИЛ-130» маркалы көліктің темір цистернасы отқа оранды, деп хабарлайды Qyzyljarnews.kz тілшісі.
Оқиға орнына дереу өртсөндірушілер шақырылып, құтқарушылар бір сағат уақыт ішінде қызыл жалынды ауыздықтай алды. Өрттің салдарын жоюға 9 техника мен жеке құрамның 43 қызметкері жұмылдырылды.
— Өрттен 1958 жылы туған газ тасымалдауына арналған көліктің жүргізушісі шығарылды. Ол дереу ауруханаға жеткізілді. Оттың шарпыған аумағы 20 шаршы метрді құрады. Қазіргі уақытта қызыл жалынның шығу себептері анықталып жатыр, — дейді СҚО ТЖД бастығы Ерік Сарыбаев.
