123
Шымкентте қазақ күресінен ҚР еңбек сіңірген жаттықтырушысы, педагогика ғылымдарының докторы, профессор Жарылқасын Керімбекұлы Оңалбектің жүлдесі үшін халықаралық турнир өтті. Жарыста екі солтүстікқазақстандық балуан жүлдегерлер қатарынан көрінді, деп хабарлайды Qyzyljarnews.kz тілшісі.
Халықаралық турнирге Қазақстан, Қытай, Индия, Кырғыстан, Өзбекстан мен Тәжікстан елдерінен 500-ге жуық спортшы қатысты. Ел намысын 6 солтүстікқазақстандық балуан қорғап, оның екеуі жүлдегер атанды.
60 килограмм салмақ дәрежесінде Мейіржан Берекетов алтыннан алқа тағынса, 66 килограмда Нұрғали Тұрсынғазиев қола медальді місе тұтты. Қос балуан – «Қызылжар арландары» клубының мүшелері.
