84
Өткен демалыс күндері Ресейдің Омбы қаласында кекушинкай каратэден екі турнир өтті. Қос жарысқа 5 пен 18 жас аралығындағы жерлестеріміз қатысты, деп хабарлайды Qyzyljarnews.kz тілшісі.
Омбы біріншілігі мен «Стенка на стенку» турнирлері дәстүрлі. Биыл бұл екі сайысқа 200-ден астам жас каратэші қатысты. Татамиге Омбы, Новосібір мен Петропавл спортшылары шықты.
– СҚО намысын 88 спортшы қорғады. «Стенка на стенку» турнирінде жерлестеріміз жалпыкомандалық есепте 1-ші орынға ие болды. Қоржынымызға 37 алтын, 28 күміс пен 26 қола медаль түсті, дейді кекушинкай каратэден облыстың аға бапкері Владимир Витченко.
