87
Самбодан Армения астанасы Ереванда өтіп жатқан әлем чемпионатында солтүстікқазақстандық балуан Еламан Қойшыбаев белдесті, деп хабарлайды Qyzyljarnews.kz тілшісі.
Жерлесіміз, «Қызылжар арландары» клубының мүшесі 88 килограмм салмақ дәрежесінде күресіп, әлем біріншілігінің күміс жүлдесін қанжығасына байлады. Еламан Қойшыбаев финалда қырғызстандық Жамалбек Асылбек уулуына 0:2 есебімен жол берді.
Ал әйелдер арасында аса ауыр салмақта отандасымыз Арайлым Әбенова финалда Ресей спортшысы Жанара Кусанованы 6:0 есебімен айқын жеңді. Осылайша ол ауыр салмақта қазақ қыздары арасында алғаш рет жеңіс тұғырының ең биік сатысына көтерілді.
