Петропавл қаласының тұрғыны жалған сенімхатпен туыстарының 2 пәтерін сатып жіберді. Ер адам Нұр-Сұлтан қаласында ұсталды, деп хабарлайды Qyzyljarnews.kz тілшісі.
СҚО полиция департаменті баспасөз қызметінің мәліметінше, 34 жастағы петропавлдық жалдамалы пәтерлерде жасырынып, туыстарымен және таныстарымен байланысқа шықпай қойған. СҚО ПД криминалдық полиция басқармасының қызметкерлері оның жүрген жерін қызметтік іссапар кезінде анықтады. Бүгінде күдікті ұсталып, Нұр-Сұлтан қаласының тергеу изоляторына орналастырылды.
— Айта кететіні, «Заңсыз келуші» жедел-профилактикалық іс-шарасы кезінде Мамлют ауданының полицейлері аудан орталығының 61 жастағы тұрғынын ұстады. Ол Башқұртстан аумағында жасалған алаяқтық үшін мемлекетаралық іздеуге жарияланған, – деді Криминалдық полиция басқармасының бастығы Марат Жұмалиев.
Биылдыққ СҚО-да іздеуде 60 адам болған. Жыл басынан криминалдық полицейлер 30 қылмыскердің жүрген жерін анықтады.
Фото: СҚО ПД баспасөз қызметінен
