Облыс прокурорлары буллингпен күресті жүргізуде. Қадағалау органының тексерісі кезінде өңірде орта білім ордаларында оқушыларды қорлаудың 8 фактісі анықталды, деп хабарлайды Qyzyljarnews.kz тілшісі.
Облыстық прокуратура таратқан мәліметтерге сәйкес, бүгіндері кәмелетке толмағандардың құқықтарын қорғау мақсатында арнайы мобильді топтар жұмыс істеп келеді. Олар білім беру мекемелерін тексеруде.
– Буллинг фактілерінің 3-уі аудандарда тіркелген. Олардың бірі Есіл ауданындағы мектептердің бірінде анықталды. Белгілі болғандай, жоғары сынып оқушылары төменгі сыныпта оқитын балаға әлімжеттік көрсетті. Жәбірленушінің ата-анасы бұл жайлы мұғалімге айтқан. Алайда ешбір шара қолданылмады. Мектеп әкімшілігі осы оқиға жайлы полицияға, жоғары тұрған білім беру органдарына хабарламаған. Қазіргі кезде жауапты мамандарға қатысты шешім қабылдануда. Мектеп қызметкерлеріне тәртіптік жаза қолданылып, фактіні жасырған үшін әкімшілік жаза да қарастырлғанын айта кеткен жөн, – дейді СҚО прокурорының аға көмекшісі Виктор Найда.
Облыс мектептерінде буллингтің 8 фактісінің 5-уі Петропавлда тіркелген.
