М.Қозыбаев университеті жанынан салынып жатқан оқу зертханасының құрылысы тамыз айында аяқталады деп жоспарланып отыр. Ғимаратта 73 заманауи зертхана жұмыс істемек, деп хабарлайды Qyzyljarnews.kz тілшісі.
— Бұл жерде инженерия және цифрлық технологиялар, көлік және машина жасау, энергетика және радиотехника, азық-түлік қауіпсіздігі, орман шаруашылығы агрономиясы мен медицина мамандықтары бойынша студенттер білімдерін жетілдіреді, — дейді облыстық қаржы басқармасының басшысы Наталья Дышкант.
Өңірде білім беру саласына бөлінген қаражат былтырғымен салыстырғанда 13%-ға артты. СҚО білім басқармасының мәліметінше, биыл білім саласына 114 млрд теңге бөлінді. 2 млрд теңгеге 21 білім беру нысанына күрделі жөндеу жүргізілмек. 83 мектептің оқу бөлмелері, асханалары мен кітапханалары жөнделіп, жиһаз сатып алынады.
Фото: ашық дереккөздерден
