Өткен жылы Имантау-Шалқар курорттық аймағында 60 мыңнан астам адам демалыпты. Бүгіндері бұл аумақта 42 демалыс орны жұмыс істеп тұр. Оның 10-ы келушілерге жыл бойы қызмет көрсетеді, деп хабарлайды Qyzyljarnews.kz тілшісі mtrk.kz сайтына сілетеме жасап.
Солтүстіктің інжу-маржанын дамыту, сол арқылы көпшілікке таныту – билік пен сала өкілдерінің міндеті. Қазіргі таңда бұл жұмыс жүргізіліп жатыр. Келешекте Имантау-Шалқар курорттық аймағында 20-ға тарта жаңа демалыс орны құрылмақ.
– Өткен жылы жер телімдеріне тендер ойнатылды. Оның нәтижесінде инвесторлар анықталды. 2025 жылға қарай Имантау-Шалқар курорттық аймағында 19 туристік нысан салынады. Ғимараттар заманауи үлгіде болады. Оларда келушілер жыл бойы демалады, — дейді облыстық кәсіпкерлік және индустриялық-инновациялық даму басқармасы басшысының орынбасары Нұржан Садықов.
