101
СҚО ҚАЖ департаментіне қарасты түзету мекемелерінде сотталғандар арасында шахматтан облыстық онлайн турнир өтті. Оған өңірдегі 5 түрмеден 20 сотталған қатысты, деп хабарлайды Qyzyljarnews.kz тілшісі.
Жарыс «Бостандық үшін шахмат” бағдарламасы аясында өтті. Ол бүкіл әлем бойынша түзету мекемелерінде білім беру және әлеуметтік бейімдеу құралы ретінде шахматты енгізуге бағытталған.
Жарыс олимпиадалық жүйе бойынша танымал шахмат сайттарының бірінде өтті. Турнир қорытындысы бойынша №51 мекемесінің сотталғандары жеңімпаз атанса, №66 мекеменің командасы екінші орынды, ал №48 мекеменің командасы үшінші орынды иеленді. Жүлдегерлерге грамоталар мен естелік сыйлықтар табысталды.
