Облыста 15 жұмыс беруші шетелдік азаматтардың еңбегін заңсыз пайдаланған, деп хабарлайды Qyzyljarnews.kz тілшісі.
Маусымның 19-ы мен 25-сі күндері аралығында облыс полицейлері «Заңсыз келуші» жедел алдын алу іс-шарасы режімінде жұмыс істеді. Көші-қон қызметінің қызметкерлері учаскелік инспекторлармен және өзге бөлімшелермен бірлесіп, ауыл шаруашылықтарына, құрылыс және сауда объектілеріне ерекше назар аудара отырып, рейдтер жүргізді.
Есіл ауданында Өзбекстанның 6 азаматынан тұратын бригада құрылған. Олар медициналық мекемені жөндеу жұмыстарымен рұқсатсыз айналысқан. Ал Шал ақын ауданында мектепті жөндеу кезінде Тәжікстанның 10 тұрғыны да заңсыз жұмыс істеген. Екі жағдайда да ҚР ӘҚБтК-нің 517-бабының 5-бөлігі бойынша материалдар жиналды. Шетелдік жұмыс күшін пайдаланған мердігерлер де әкімшілік жауапкершілікке тартылды.
