145
30 тамызда елімізде электрлі самокаттарды пайдалануды реттейтін заңнамаға өзгерістер енгізілді. Сол уақыттан бастап полиция қызметкерлері электрлі самокаттарды басқаратын жүргізушілердің жол жүрісі қағидаларын сақтауы бойынша рейдтік іс-шаралар өткізуде, деп хабарлайды Qyzyljarnews.kz тілшісі.
Облыс орталығында самокаттардың қатысуымен екі жол-көлік оқиғасы тіркелген. Біріншісінде самокат жүргізушісі жол үстінде автокөліктің астына түскен, ал екінші жағдайда тротуарда кетіп бара жатқан 70 жастағы әжейді қағып кеткен. Тәртіп сақшылары кінәлі адамды тез арада анықтады. Ол 16 жастағы жасөспірім болып шықты. Оның әкесі ата-аналық міндеттерін орындамағаны үшін 10 айлық есептік көрсеткіш көлемінде айыппұл төледі.
